СЕРБИЯ – У Сербиї на ютре, 1. априла, урядово почина упис дзецох до першей класи основней школи, а тирва до конца мая. Медзитим, школи дзеци годни уписовац по сам початок нового школского рока.
До школи руша ґенерация дзецох народзених 2009., як и дзеци народзени у януаре и фебруаре 2010. року, и оценєте же буду уписани вецей як 17 000 першокласнїки.
За упис до першей класи ОШ потребне потвердзенє о законченей предшколскей програми, кресцене писмо дзецка, лїкарске уверенє, а будуци першокласнїки буду мац и обовязне тестованє при школских психолоґох и педаґоґох.
До першей класи ОШ мож уписац и младши дзеци, кед же психолоґ и педаґоґ оценя же су порихтани за школу.
Упис до основней школи обовязни и кед родичи нароком нє упишу дзецко, кара виноши од 5000 до 25 000 динари.