Явна поволанка за додзельованє Святосавскей награди за 2016. рок

автор ртв/зам
836 Опатрене

БЕОҐРАД – Министерство просвити, науки и технолоґийного розвою упутело явну поволанку шицким заинтересованим образовно-воспитним установом, фаховним здруженьом, заєднїцом школох, универзитетом, образовно-науковим институцийом, другим правним и физичним особом же би предкладали кандидатох за додзельованє Святосавскей награди за 2016. рок. Термин за предкладанє по 5. януар 2017. року.

Святосавка награда то припознанє за доприношенє квалитетному образованю и воспитаню, унепредзованю образовно-воспитней пракси и розвою наукових досцигнуцох у обласци образованя и воспитаня у Републики Сербиї.

За Награду можу буц предложени школяре основних и штреднїх школох, студенти шицких уровньох, заняти у предшколских установох, у основних и штреднїх школох (з домами школярох) и у високошколских установох.

За Награду можу буц номиновани и фаховни дружтва и заєднїци школох, авторе фахових и наукових дїлох з обласци образованя и воспитаня, други поєдинци и институциї котри участвую у формалним и нєформалним образованю и окреме доприноша розвою просвити и афирмованю общих и окремних стандардох и досцигнуцох (новинаре, медиї, привредни дружтва, видавательни орґанизациї, фонди, задужбини и други).

Текст явней поволанки, критериюми и инфомациї о нєй мож видзиц на сайту Министерство просвити, науки и технолоґийного розвою.

ПОВЯЗАНИ ТЕКСТИ