РУСКИ КЕРЕСТУР – Порядне єшеньске стретнуце дзецох од пейц по дванац роки – „Дзеци за єдинствоˮ, будзе отримане на соботу, 12. октобра, од 11–16 годзин у Водици, а у случаю же хвиля нє будзе вигодна, стретнуце ше отрима у просторийох керестурского Каритасу.
Стретнуце будзе духовно-рекреативного типу, цо значи же дзеци буду мац и духовни вежби и нагоду за упознаванє и бавенє. Присутним будзе орґанизовани и полудзенок.
На стретнуце, окрем дзецох зоз Руского Керестура, приду и з Коцура, Вербасу, Нового Саду, Суботици, Беоґраду, Вершцу и других местох.
Контакт особа за тото стретнуце Янко Катона и мож ше му явиц на мобилни телефон 063/8021 165, месенджер або прейґ його Фейсбук профилу.
Стретнуце орґанизує Рух фоколару, а партнер стретнуца Каритас.