ШИД – На Спомин-памятнїку „Сримски фронт” при Адашевцох, нєдалєко до Шиду, всоботу, 18. априла означена 70-рочнїца велькей битки у закончуюцих операцийох за ошлєбодзенє Югославиї од фашизму у Другей шветовей войни – пребиваня Сримского фронту.
На памятнїк венєц у мено Влади Републики Сербиї положел министер роботи, обезпечованя роботи, борецки и социялни питаня Александар Вулин, потим делеґациї Министерства одбрани и Войска Сербиї, АП Войводини, Општини Шид, Здруженя борцох НОБ, представителє амбасадох чийо вояки участвовали у спомнутей битки и други.
Бешедуюци на сходзе пред даскельо тисячами борцох и їх потомкох з цалей Сербиї и реґиону, министер Александар Вулин визначел же вецей як 12 000 борци НОБ, алє и жемох союзнїцох, дали живот за шлєбоду.
Вулин тиж наглашел же жертви хтори дал сербски народ у Другей шветовей войни нє забути, бо вони свойо животи дали за шлєбоду.
