КОЦУР – У Коцуре почало дзелєнє пакетох помоци зоз поживовима артиклами, продуктами за отримованє особней гиґиєни и гиґиєни ґаздовства шицким пензионером з приходами меншима як 30 тисячи динари и социялно загроженим гражданом.
Дзелєнє пакетох окончую волонтере котри розноша пакети на хижну адресу. О шицким ше водзи евиденцию, и кажде зоз своїм подписом потвердзує же превжал пакет.
Пакети помоци ше будзе дзелїц у наиходзацих дньох, у складзе зоз можлївосцами волонтерох котри задлужени за тото.
Средства за пакети обезпечела Општина Вербас з потримовку числених дружтвено одвичательних компанийох вербаскей општини.