НОВЕ ОРАХОВО – У Новим Орахове всоботу, 30. мая, КУД „Петро Кузмяк“ отримало свой традицийни Майски концерт з нагоди 13. мая, дня присельованя до Орахова. Того року Руснаци у Орахове означовали 69 роки доселєня, як и 68 роки снованя Дружтва, а тот концерт у Календаре репрезентативних манифестацийох Руснацох Националного совиту.
Програма почала з привитом предсидателя Дружтва и пригодним рефератом, а на Концерту Дружтво представело роботу своїх секцийох – наймладших з литературней, як и успишну танючну, понеже того року на Концерту виведла аж штири танци. Представена Женска жридлова ґрупа, хтора 13. юния наступи и на Зонскей смотри.
Програм окреме збогацел наступ шпивачох – оца и сина Бориса и Владимира Маґочових, представена и гумореска Любомира Раца, а шицки секциї Дружтва провадзела тамбурови оркестер.
Госци на Концерту було мадярского Драмско-литературного дружтва „Ґраца Янош“, чийо члени ше представели з цитрашким оркестром и женску шпивацку ґрупу.
На концу програми наявени вельки ювилей нарок – 70-рочнїца доселєня Руснацох з Руского Керестура до Нового Орахово.
