ВЕРБАС – Прешлого викенду у Вербаше отримане тогорочне Мото стретнуце, под слоґаном „Байкере найвекша фамелия на швеце”, котре орґанизовал вербаски Мото клуб „Парадизо”.
Стретнуце и того року було на теренох Центра за физичну културу „Драґо Йовович”, а по словох орґанизаторох, як и прешлих рокох, байкерох було зоз шицких крайох Сербиї, як и зоз Словениї, Македониї, Болгарскей, Русиї, Шведскей. Прешлого року Мото стретнуце нащивели моторкаше зоз 220 клубох, а того року пришли представнїки зоз приблїжно 250 байкерских клубох.
И за тогорочне Мото стретнуце порихтани були рижни интересантни змисти, як нащива приятельох у околїску, дефиле моторкашох по городских улїчкох, змаганя. У музичней часци Мото стретнуца першого дня наступели „Carolina Reper” „Rok trajanja”, другого дня присутних розвешельовали „Rok apoteka” и Исак Шабанович, a за централного вечара Мото стретнуца були наступи ґрупох „Stringsi I” и ґрупи „Djarma i metkovi”.
Друженє у добрей атмосфери тирвало до позних ноцних годзинох.
Тогорочне Мото стретнуце орґанизовал Мото клуб „Парадизо” з потримовку Општини Вербас.
