СУБОТИЦА – Внєдзелю, 27. октобра на швето Христа Цара по Григориянским календаре, парохиялна заєднїца у Суботици преславела свой Кирбай, а кирбайску Службу Божу служел о. Данил Задрепко и франєвацки священїк Иван Микленич зоз Суботици.
У казанї о. Задрепко визначел же Христова мисия, спашиц швет, вон ю превжал на себе, зоз жертву на крижу. Кажди чловек хтори ше жада спашиц то може поробиц на тим швеце кед жиє у мире зоз самим собу, кед пребачує ближнїм, модлї ше за нїх, посци. Цар хтори нас трима вєдно и помага нам же бизме ше спашели то Христос. Кажде хто послуха Боже слово будзе спашени на тим швеце.
Шпиванє предводзела монахиня Авґустина Илюк, СНДМ зоз шестрами Служебнїцами зоз Кули и Руского Керестура. После Служби Божей було мированє, на аґапеу присутних привитал о. Данил Задрипко, а домашнї порихтали кирбайски аґапе, на хторим ше як то уж на Кирбаю идзе, людзе дружели.
