ОПШТИНА ШИД – Вечар пред шветом святого Миколая вчера, 18. децембра святи Миколай нащивел церкви у Шидзе , Беркасове и Бикичу и дзецом подзелєл пакецики.
Миколай перше пришол до Шиду и дзецом подзелєл 40 пакецики, а даєдни му и рецитовали, а потим пошол до церкви до Беркасова и подзелєл 10 пакецики.
На концу драга Миколая водзела до Бикичу дзе го у церкви привитали дзеци зоз шпиванку „О хто, хто“ и виведли кратшу програму, а дзеци порихтала наставнїца Любов Зейкан Бобаль хтора преподава руски язик з елементами националней култури у основних школох у општини Шид.
Дзеци рецитовали и шпивали Миколайови, а вон им подзелєл 30 пакецики и обецал же нарок ознова придзе.
