ВЕРБАС – Швето святого Миколая означене и у Грекокатолїцкей церкви святого Владимира у нововербаскей парохиї.
У Служби Божей на 17 годзин з нагоди преславйованя того швета парох нововербаски о. Данил Задрепко бешедовал присутним вирним о живоце святого Миколая, а Апостол читал дипломовани богослов Иван Дацешен. З молитву парохиянє возвелїчали святочносц того швета.
И парохию у Новим Вербаше того дня нащивел Миколай, та после Служби Божей обрадовал наймладших парохиянох зоз дарами и подзелєл 27 пакецик.
По законченю дзелєня дарункох була порихтана закуска за присутних парохиянох у церковней сали.