НОВИ САД – Информативна аґенция „Рутенпрес” од 3. януара 2025. року уводзи стаємну рубрику „На нєшкайши дзень”.
Рубрика будзе исц на концу каждей дньовей обяви висткох на „Рутенпресу”, а у нєй буду заступени информациї зоз прешлосци о подїйох, особох, рочнїцох важних насампредз за руску заєднїцу, алє тиж и датуми од общей важносци зоз нашого окруженя и швета, та и велї историйни интересантносци.
Рубрика „На нєшкайши дзень” виходзи з нагоди 80-рочнїци НВУ „Руске слово”, яка ше означує у тим року и 20-рочнїци информативней аґенциї „Рутенпрес”, яка будзе означена на яр шлїдуюцого 2026. року.