КОЦУР – На площи опрез Основней школи „Братство єдинство” у Коцуре на соботу, 1. фебруара будзе отримана штварта манифестация „Капушнїк фест”, у орґанизациї Туристичней орґанизациї општини Вербас.
И того року за тот дзень орґанизаторе пририхтали рижнородну и богату програму, а на 14 годзин заказане святочне отверанє манифестациї.
Нащивителє годни уживац у музики тамбурового оркестра „Коцурски бетяре”, безплатним коштованю капушнїкох характеристичних за тот валал, а за наймладших орґанизаторе пририхтали друженє зоз аниматорами Медо Вуле и ище пейц маскотами.
Орґанизаторе поволали валалчанох и шицких других заинтересованих же би ше 1. фебруара пополадню прешейтали през центер Коцура и опатрели цо шицко пририхтане у рамикох манифестациї.