31. ЯНУАР – Нєшка ше у Сербиї означує Национални дзень без догану.
1747 – У лондонским шпиталю „Лок” отворена перша клинїка за венерични хороти.
1797 – Народзени австрийски композитор Франц Петер Шуберт (Беч, 31. януар 1797 – Беч, 19. новембер 1828), трима ше же є остатнї майстор бечкей класичней школи. И попри тим же пожил 31. рок, написал блїзко 630 соло композициї, дзевец симфониї, сонати, квартети и вецей опери. Шуберта ше учишлює ґу найталантованшим композитором 19. вика.
1841 – Народзел ше Лазар Лаза Костич (Ковиль, 31. януар 1841 – Беч, 26. новембер 1910) бул сербски писатель, новинар, филозоф, полиґлота, политичар, ерудита. По образованю бул доктор правних наукох, а писал поезию и прекладал зоз европских на сербски язик.
1946 – Принєшени перши Устав Федеративней Народней Републики Югославиї, у хторим прилапени принцип федеративного ушореня жеми, одредзени основни права и длужносци федерациї и републикох.
1971 – Медзи восточним и заходним Берлином запровадзени огранїчени телефонски транспорт, першираз после 19 рокох.
У Сербиї ше означує Национални дзень без догану.
Нєшка медзинародни дзень зебри.
