РУСКИ КЕРЕСТУР – Женски рукометни клуб (ЖРК) Русин штварток 8. и внєдзелю 11. мая у спортскей гали у Руским Керестуре одбавел дзевяте и дзешате першенствене стретнуце у другей полусезони Другей лиґи Войводини процив екипи ЖРК „Словен 2” зоз Руми и екипи ЖРК „Нафтаґас” зоз Елемиру и зазначел пораженя зоз резултатами 25:31 (9:14) и 18:25 (8:14).
За ЖРК Русин процив екипи ЖРК „Словен 2” бавели – Сабина Планчак (c), Оля Матияшевич, Аня Сендерак, Милена Рамач, Валентина Гарди, Хана Будински, Андрияна Штранґар, Кяра Будински, Ема Венґрин, Йована Шилованович и Николина Гарди.
Ґоли за екипу Русина дали: Андрияна Штранґар (7), Хана Будински (7), Кяра Будински (6), Сабина Планчак (5).
За ЖРК Русин процив екипи ЖРК „Нафтаґас” бавели – Сабина Планчак (c), Оля Матияшевич, Аня Сендерак, Валентина Гарди, Хана Будински, Аня Симич, Марияна Сивч, Кяра Будински, Теодора Русковски, Йована Шилованович и Николина Гарди.
Ґоли за екипу Русина дали: Кяра Будински (7), Аня Симич (5), Хана Будински (3), Сабина Планчак (2) и Марияна Сивч (1).
Тренер – Сабина Планчак.
У идуцим 22. першенственим колу, тиж и остатнїм у тей сезони ЖРК Русин будзе бавиц у Долову процив екипи ЖРК Долово.
