РУСКИ КЕРЕСТУР – Од штвартку, 17. юлия по нєдзелю 20. юлий, домашня ґрупа Горуци кромплї будзе госцовац на Манифестациї „Стретнуце населєньох зоз меном Керестурˮ у месце Ракошкерестур, у Мадярскей, дзе отримаю и свой наступ.
У рамикох урядовей програми, музична ґрупа ше представи зоз петнацминутовим блоком писньох, односно зоз трома композициями.
У составе Горуцих кромпльох – Патрик Варґа на бубньох, Иван Планчак на бас ґитари, Кристина Русковски на клавиру, Емилия Мудри ґитара и Сашо Палєнкаш тиж на ґитари, хтори источашнє и руководитель, а з тей нагоди наступя и госцуюци шпивачки, Доротеа Рамач и Ана Мария Сопка.