РУСКИ КЕРЕСТУР – До Добродзечного огньогасного дружтва з Руского Керестура тих дньох сцигла нова опрема за гашенє огня.
Прейґ конкурсу Покраїнского секретарияту за польопривреду, водопривреду и лєсарство, керестурске Добродзечне огньогасне дружтво достало рижнородну опрему вредносци 850 тисячи динари.
Михайло Рац, предсидатель ДОД, визначел же тераз достата наисце квалитетна опрема, квалитетни черева, а тиж достали и моторну пумпу котра будзе хасновита у позарядових ситуацийох алє и за чисценє нашого базену.
Керестурски огньогасци єдногласно поручели же им значна кажда часц новей опреми алє додали же ше наздаваю же ю нє буду вельо хасновац.