ДЮРДЬОВ – Пияток, 29. авґуста у дюрдьовскей Основней школи Йован Йованович Змай бул святочни приєм першокласнїкох.
Школярох и їх родичох привитала Любица Клепич, директорка школи, а потим за будуцих першокласнїкох школяре котри у тим школским року руша до другей класи, за першокласнїкох зоз своїма учительками пририхтали пригодну програму у котрей танцовали, шпивали и рецитовали по руски и по сербки.
У тей ґенерациї формовани два сербски оддзелєня у котрих будзе по 28 школярох. Руске оддзелєнє нє формоване понеже ше за обаразованє на руским язику, при уписованю до школи, опредзелєли родичи троїх дзецох.
Першокласнїком учительки буду Милана Милин и Мария Тртич.
