БЕОҐРАД – На подручох шицких полицийских управох на териториї Републики Сербиї, нєшка до 9:30 годзин, анонимно приявене же єст бомби у 807 основних и стреднїх школох, сообщело Министерство нукашнїй дїлох.
Анґажовани полицийски службенїки полицийских управох и Полицийски управи за город Беоґрад, Управи криминалистичней полициї и Управи за технїку. О шицким обвисцене и тужительство, пише у сообщеню зоз Министерства нукашнїй дїлох.
Дояви о бомбох по мейлу сцигли и до школох у Руским Керестуре, Дюрдьове и у Коцуре. Ранша змена пре безпечносц, нє мала наставу док полиция нє пришла и нє препатрела будинок.