ДЮРДЬОВ – Нєшка, стреду, 17. децембра у Месней заєднїци Дюрдьов, директор Дома здравя Жабель Никола Якшич, будзе бешедовац зоз гражаданами Дюрдьова на тему здравства, роботи дюрдьовскей амбуланти и Дома здравя Жабель.
Бешедовац ше будзи и о тим же прецо у дюрдьовскей амуланти од початку того мешаца нє роби педиятер.
Директор Якшич за Рутенпрес гварел же гражданє треба же би достали информациї о орґанизациї роботи Дома здравя и його амбулантох, о длугорочних планох роботи, алє и нагоду опитац ше цо их интересує понеже слово о здравству и здравю поєдинца.
Явна розгварка зоз директором Якшичом будзе на 17 годзин.