ВЕРБАС/КОЦУР – По сообщеню Општинскей управи Вербас, Оддзелєня за урбанизем и просторне планованє, квартельно-комуналну дїялносц и защиту животного стредку, Циклонизация лоґистика д.о.о. будзе запровадзовац третмани дератизациї на териториї општини Вербас.
По обисцох шицких населєних местох вербаскей општини ше будзе дзелїц дератизацийни мамки, котри буду безплатни за шицких гражданох.
Слово о модерним биоцидним препарату зоз одложеним дїйством, у пакованю од єдного килограма, зоз видрукованим упутством за хаснованє.
Третмани дератизациї почали вчера, 16. децембра, а буду ше окончовац у складу зоз вигоднима метеоролоґийнима условиями.