НОВИ САД – З нагоди швета святого Миколая, у Конкатедралней церкви святих апостолох Петра и Павла вчера, 21. децембра, после вечаршей Служби Божей, хтору служел о Дарко Рац, дзеци хтори ходза на виронауку привитали Миколая зоз кратку пригодну програму.
Скорей як цо подзелєл пакецики, Миколай подзековал на привиту и опитал ше дзецом чи ше вони знаю модлїц и цо то значи буц добри. Миколай гварел же чул же шицки дзеци були добри та подзелєл вецей як 40 пакецики.
Пакецики дзеци достали и од Медзинародней орґанизациї Добри Самаритянин.
