НОВИ САД – На Радио програми по руски нєшка на 12:30 годзин, будзе емисия Дом и фамелия, а на 21:30 годзин Емисия за младих.
У емисиї Дом и фамелия будзе пошвецена означованю Крачуна. Призначена розгварка зоз Дорику и Иваном Емейдийовима зоз Руского Керестура котри швета пририхтую з вельку радосцу. Адрияна Буила зоз Коцура бешедовала о тим як ше обичаї преноши з родительского дому на дзеци и прецо важне зачувац кажди обичай. Мелания Шaнта, тиж зоз Коцура здогадла ше як крачунски швета випатрали дакеди. Сандра Саламун зоз Дюрдьова бешедовала о тим цо би любела же би єй хлапчикове запаметали же робели у фамелиї у дзецинстве.
Емисию Дом и фамелия мож послухац кажду стреду на 12:30 годзин на на УКТ габох радия РТВ на 92, 100 и 107,1 мгг. Реприза емисиї на соботу на 7 годзин, а мож ю послухац и на одложеним слуханю на сайту Радио-телевизиї Войводини. Редакторки емисиї Наталия Дудаш и Саня Маркович.
У Емисиї за младих, нєшка на 21:30 годзин, годно послухац як як млади преславюю найрадоснєйше швето – Крачун. У Емисиї будзе ище интересантни прилоги.
Емисия за младих ше емитує премиєрно каждей стреди на УКТ габох радия РТВ на 92, 100 и 107,1 мгг, на 21:30 годзин и репризно штварток на 12:30 годзин, а мож ю послухац и на одложеним слуханю на сайту РТВ. Редакторки и водительки емисиї Ванеса Медєши и Мирела Тимко.
