НОВИ САД – На Радио програми по руски на УКТ габох радия РТВ на 92, 100 и 107,1 мгг, нєшка на 12:30 годзин, будзе емисия Дом и фамелия, а на 21:30 годзин Емисия за младих.
У емисиї Дом и фамелия будзе будзе о костираню. През швета котри за нами мали зме богати столи зоз рижнима лакотками та тераз час же би ше дакус пречисцело орґанизем. У емисиї годно послухац совити нутриционистки Михаели Миленкович о тим як мож очисциц орґанизем зоз правилним костираньом. ПИО фонд розписал конкурс за безплатне пребуванє пензионерох у баньох у Сербиї, а у єдней зоз тих баньох була и Ирина Сердар зоз Коцура. Нїзки температури вплївую и погоршую здравствену ситуацию гражданох, а Институт за явне здравє Др. Милан Йованович Батут дал совити як ше справовац на таких температурох. Учуєце и рецепт за єдно смачне, алє здраве єдзенє од Славка Ройка. Емисию Дом и фамелия мож послухац кажду стреду на 12:30 годзин, реприза емисиї на соботу на 7 годзин, а мож ю послухац и на одложеним слуханю на сайту Радио-телевизиї Войводини. Редакторки емисиї Наталия Дудаш и Саня Маркович.
У Емисиї за младих, нєшка на 21:30 годзин, годно послухац интересантни прилоги котри по думаню слухачох були найинтересантнєйши и найслуханши прешлого року. Емисия за младих ше емитує премиєрно каждей стреди на 21:30 годзин и репризно штварток на 12:30 годзин, а мож ю послухац и на одложеним слуханю на сайту РТВ. Редакторки и водительки емисиї Ванеса Медєши и Мирела Тимко.
