30. ЯНУАР – На нєшкайши дзень народзела ше Наталия Голуб.
1937 – Народзел шe велемайстор Борис Василєвич Спаски (Ленїнґрад, СССР, 30. януар 1937 – Москва, Русия, 27. фебруар 2025), шветови шампион у шаху од 1969. по 1972. рок.
1934 – Народзела ше вихователька Наталия Наташа Голуб (Руски Керестур, 30. януар 1934 – Дюрдьов, 3. фебруар 1994), авторка Зборнїка текстох и композицийох за предшколски дзеци Нє мам злата, мила мамо (2000) у виданю Дружтва за руски язик, литературу и културу у едициї Предшколске вихованє. Основну школу и нїзшу ґимназию закончела у Руским Керестуре, а стредню Школу за воспитачох у Новим Садзе. Робиц почала у Основней школу у Дюрдьове, у чиїх рамикох були и предшколски оддзелєня. Була активна у КУД Тарас Шевченко у Дюрдьове. Анґажовала ше у музичней и театралней дїялносци: грала на гармоники, писала кореоґрафиї, приберала танєчнїкох – учашнїкох, ґлумцох. Писала до часопису за дзеци Заградка, а зоз рускима виховательками пририхтовала окремни боки у тим часопису Нашим наймаладшим и Мала заградка. Умарла у Дюрдьове 3. фебруара 1994. року.
1945 – Народзел ше маґистер фармациї Юлиян Фейди (Руски Керестур, 30. януар 1945 – Руски Керестур, 4. авґуст 2024).
2007 – Майкрософт (Microsoft) на тарґовище пущел оперативну систему Виндовс Виста (Windows Vista).
2008 – Преглашена Прешовска грекокатолїцка митрополия. Папа Бенедикт грекокатолїцку церкву у Словацкей унапредзел на митрополитску зоз шедзиском у Прешове, а Прешовску епархию дзвигнул на архиепархию зоз митрополитским шедзиском. Кошицки апостолски еґзархат теди постал кошицка епархия, а основана и нова епархия у Братислави.
Од 2021. року означує ше Шветови дзень занєдзбаних тропских хоротох. Дзень припознала Шветова здравствена орґанизация (ШЗО), а датум символизує рочнїцу Лондонскей декларациї о занєдзбаних тропских хоротох зоз 2012. року.
Нєшка Шветови дзень кроасанох.