НОВИ САД – Нєшкайша емисия Добри вечар Войводино пошвецена пририхтованю 36. фестивала новей рускей шпиванки Ружова заградка, а у студию будзе вицагованє и одредзовенє рядошлїду интерпретованя шпиванкох на тогорочним фестивалу, хтори будзе отримани 1. марца на велькей сцени Йован Дьордєвич у Сербским народним театру.
Емисия Добри вечар, Войводино почина на 20:30 годзин, а будзе репризована такой на ютре (пияток) вноци коло 4 годзин и дополадня на 9 годзин.