7. ФЕБРУАР – На нєшкайши дзень подписани и контракт зоз хторим настала Европска уния.
1477 – Народзени анґлийски гуманиста и державнїк Томас Мор (Лондон, 7. фебруар 1478 – Лондон, 6. юлий 1535), творитель утопийского социялизма, писатель социялних, историйних и теолоґийних дїлох.
1812 – Народзел ше анґлийски писатель Чарлс Дикенс (Лендпорт, 7. фебруар 1812 – Хаям, 9. юний 1870), снователь социялного романа, представитель реализма, автор є романох: Оливер Твист, Дейвид Коперфилд, Пиквиков клуб…
1870 – Народзени психиятер Алфред Адлер (Беч, 7. фебруар 1870 – Абердин, 28. май 1937), снователь индивидуалней психолоґиї.
1885 – Народзени писатель Синклер Луис (Сок Сентер, 7. фебруар 1885 – Рим, 10. януар 1951), добитнїк Нобеловей награди за литературу 1930. року.
1992 – У Мастрихту у Голандиї представнїки 12 державох Европскей заєднїци подписали Мастрихтски контракт зоз хторим тота економска заєднїца од 1. новембра 1993. року постала Европска уния – политично-привредни союз у хторим нєшка 27 держави членїци.