ШИД – У Лєтнєй владическей резиденциї вчера, 27. фебруара парох беркасовски о. Владимир Еделински Миколка предлужел зоз преподаванями о часцох молитви Вирую.
На початку преподаваня, о. Еделински укратко здогаднул на часци o хторих уж бешедоване, а з тей нагоди було слова о часци молитви „И придзе зоз славу судзиц живим и мертвим и його Царству нє будзе конца“.
О. Еделински тоту часц молитви виложел зоз трох часцох, а вирни зоз Шиду и Бикичу хтори провадзели преподаванє ше могли и опитац цо их интересовало.
После урядового викладаня, шицки присутни ше дружели вєдно з домашнїм парохом о. Михайлом Режаком, хтори тиж бул присутни.
