9. МАРЕЦ – Народзел ше мр Владимир Хромиш.
1454 – Народзени моряк Америґо Веспучи (Фиренца, нєшка Италия 9. марец 1454 – Севиля, 22. фебруар 1512). У своїх приказох хаснує вираз Америка и Нови швет.
1814 – Народзел ше Тарас Григорович Шевченко (Моринц, Русия, 9. марец 1814 – Санкт Петербурґ, Русия, 10. марец 1861) бул українски поета, писатель, маляр и гуманиста, явна политична особа, алє и фолклориста и етноґраф.
1842 – Першираз виведзена опера Набуко Дюзепеа Вердия. Премиєрно опера виведзена у Милану.
1934 – Народзени космонавт Юрий Алексеєвич Ґаґарин (Клушино, Совєтски союз, 9. марец 1934 – Киржач, 27. марец 1968), перши чловек хтори облєцел коло Жеми.
1943 – Народзени велемайстор Роберт Боби Джеймс Фишер (Чикаґо, ЗАД, 9. марец 1943 – Рейкявик, Исланд, 17. януар 2008), бул шахиста, велемайстор, хтори 1. септембра 1972. року постал перши америцки шахиста хтори освоєл шветови шампионат.
1947 – Народзени мр Владимир Хромиш (Коцур, 9. марец 1947 – Нови Сад, 18. януар 2025). Основну школу закончел у Коцуре, а Стредню машинску школу и Еконoмски факултет у Новим Садзе, маґистровал аґроекономию на Польопривредним факултету у Новим Садзе. Владимир Хромиш робел єден час у Краґуєвцу у Застави як технїчар защити на роботи, потим у Новосадскей млєкари одкаль як финансийни директор пошол до пензиї 2006. року. Владимир Хромиш поховани у Кулпину на словацким теметове, 24. януара.
1959 – На сайме бавискох у Нюйорку приказана перша Барби бабка.
1991 – У Беоґрадзе отримани масовни опозицийни демонстрациї процив режима Слободана Милошевича.