КУЛА – Дом здравя у Кули достал нову, сучасну санитетску превозку зоз провадзацу медицинску опрему, хтора треба же би допринєсла ефикаснєйшей роботи наглей медицинскей помоци.
Превозки додзелєни вкупно 22 здравственим установом у Автономней покраїни Войводини, а за тото зоз покраїнского буджету видвоєни скоро 225 милиони динари.
Директорка Дома здравя Кула др Весна Томич визначела же доставанє новей превозки барз значне за функционованє тей установи, понеже злєпшанє условийох роботи за здравствених роботнїкох директно уплївує и на квалитет услугох хтори доставаю пациєнти.