ЗАҐРЕБ – У орґанизациї Представителя рускей националней мешини Городу Заґребу мр Иринея Мудрия, всоботу, 21. новембра отримани Културни вечар Руснацох-Бал, хтори источашнє бул и Дзень Представителя рускей националней меншини Городу Заґребу.
Як Рутенпрес дознава од члена Совиту за национални меншини Републики Горватскей (РГ) и секретара Союзу Русинох РГ Звонка Костелника, медзи визначнима госцами на тим вечаре були представителє Городу Заґребу, представителє болгарскей, русийскей, мадярскей и польскей националней меншини у Заґребу, предсидатель Националного Совиту Руснацох у Сербиї Славко Рац, як и предсидателька Союзу Русинох РГ Дубравка Рашлянин.
Перши раз того року на тим вечаре бул и представитель грекокатолїцкей церкви – петровски парох о. мр Владимир Седлак, як висланїк Славонско-сримского викарияту.
Културни вечар з рускима танцами и шпиванками возвелїчали члени КУД „Яким Гарди” з Петровцох и КУД „Яким Ґовля” з Миклошевцох, а госцох забавял „Микс-бенд” з Руского Керестура.
