КУЛА – Општина Кула розписала Явни конкурс за финансованє програмох потримовки здруженьом привреднїкох, поднїмательох и ремеселнїкох. Конкурс отворени од вчера, 17. авґуста, а будзе тирвац осем днї.
Конкуровац мож за програми активносцох здруженьох котри облапяю привреднїкох, поднїмательох, и ремеселнїкох, а котри маю позитивни вплїв на локални економски розвой, розвой привреди, поднїмательства и ремеселнїцтва, отверанє нових роботних местох, преширенє тарґовища и конкурентносци, здобуванє нових знаньох, ширенє партнерскей мрежи, и черанє искуства зоз другима здруженями.
Прилаплїви трошки то орґанизованє семинарох и фахових усовершованьох, маркетинґ, моцнєнє конкурентносци, административно-технїчна потримовка, и адаптация простору.
Цалосни конкурс мож опатриц на шлїдуюцим линку.