НОВИ САД – За парохию святих апостолох Петра и Павла, виробени виртуални асистент подпомогнути зоз штучну интелиґенцию (AI).
Зоз службами на 10 и 18 годзин у Конкатедрали святих апостолох Петра и Павла означене швето Усикновениє глави Йоана Хрестителя. Служби служел новосадски парох о. Дарко Рац, дзияковал Александар Саванович.
На служби парох о. Дарко Рац поинформовал вирних же виробени виртуални асистент, хтори подпомогнути зоз штучну интелиґенцию (AI). Треба скенирац QR код, хтори мож найсц на огласней табли у церкви и на ФБ боку Парохия святих апостолох Петра и Павла Нови Сад (Parohija svjatih apostoloh Petra i Pavla Novi Sad) и поставиц питанє. Як парох потолковал цо ше вецей питаня будзе поставяц и виртуални асистент будзе мац вецей одвити. Тиж ше годно информовац о парохиї, Богослуженьох… Парох ище потолковал же виртуални асистент будзе доступни на вецей язикох, понеже у городзе єст вельо туристох, хтори ше розпитую о нашей церкви.