РУСКИ КЕРЕСТУР – Зоз инсталованьом ошвиценя, початком септембра и урядово закончене будованє бавилїща за дзеци на фодбалским стадиону „Яраш”, за хторе ше пенєж зберало прейґ добродзечней акциї, односно „краудфандинґ” платформи.
На бавилїщу єст векша и менша хижка зоз спущовалками, колїмбачки, гомбалки, посадзене желєнїдло а тиж порихтани и древени жардинєри до хторих будзе посадзене квеце.
Коло бавилїща поставени стол и лавочки за шедзенє, а на муре, на руским и сербским язику, ясно визначени правила за хаснованє бавилїща, на хторим ше тераз мож бавиц кажди дзень.
У обяви на своїм Фейсбук налогу, Фодбалски клуб „Русин” подзековал на потримовки шицким хтори пенєжно, зоз роботу або красним словом помогли же би на „Ярашу” настал єден прекрасни дзецински куцик.
