НОВИ САД – На нєдзелю у найновшим Телевизийним маґазину годни сце видзиц як будзе после длугшого часу ознова робиц дзецинске оддзелєнє амбуланти у Руским Керестуре.
Початок школского року значи и векши рушаня на улїцох, окреме у блїзкосци школох, а о тим кеди дзецко порихтане самостойно преходзиц улїчку тиж будзе слова на нєдзелю. Порихтани и прилог о означованю 150 рокох од снованя першей читальнї у Руским Керестуре.
Сезона оберачки и одкупу паприґи уходзи до найинтензивнєйшей фази. Слова будзе о тим чи продукователє задовольни зоз урожайом и зоз цену. Урожай у Сримских винїцох задоволююци алє ше продукователє и того року зочую зоз познатима проблемами одкупу.
Телевизийни маґазин почина на нєдзелю 13. септембра на 20 годзин. Репризу емисиї годно одпатриц тей истей ноци коло 2 рано, и на пондзелок на 10:30 годзин, а мож ю одпатриц и на одложеним патреню на сайту Радио-телевизиї Войводини.