ДЮРДЬОВ/ЖАБЕЛЬ – У центре Дюрдьова, у рамикох предвиберанковей кампанї, прихильнїки и почитователє Студентскей лїстини „Студенти победзую”, всоботу, 10. октобра, промововали лїстину, представели програму и кандидатох.
На сходу у Дюрдьове були и предстванїки Центру за виглєдованє, транспарентносц и одвичательносц „Црта”, нєзависна, нєстранкова орґанизация цивилного дружтва пошвецена розвою демократскей култури и гражданскому активизму, вони у бешеди зоз гражданами правели анкету о предвиберанковей кампанї. Представянє Студентскей лїстини булo и у центре Жаблю, истого дня.
Од нєдзелї, 11. октобра на кружним цеку медзи Дюрдьовом и Жабльом, прихильнїки и почитователє Студентскей лїстини маю акцию „Труби за студентох” инспировани зоз гражданами котри потримую тоту лїстину так же им пискаю зоз авта у преходзе. Акцию ше отримує кажди дзень од 16 по 17 годзин.
Студентох у їх кампанї потримали жителє Дюрдьова, Жаблю и жителє околних местох.
