БЕОҐРАД – Министерство привреди 2. юния розписало явну поволанку малим микро-подприємством, поднїмательом и задруґом за додзельованє безповратней помоци през Програму потримовки мали подприємстовм за набавянє опреми.
Прейт спомнутей програми, хтора комбинация вигодних банкарских кредитох и безповратних средствох од держави, Министерство привреди софинансує набаянє продукцийней опреми 25 одсто єй вредносци, док 70 одсто трошкох финансую банки прейґ кредитох. Поднїматель участвує з 5 одсто.
Мож конкуровац за купованє нових, лєбо половних продукцийних машинох (нє старших од пейц роки) и опреми, нових часцох, специялизованого алату за машини и опрему, а винос одобреней безповратней помоци до 25 одсто вредносци нє може буц векши од 2,5 милиони динари.
Явна поволанка отворена по трошенє розполагаюцого пенєжу, а мож ю видзиц на сайту Министерства привреди.