РУСКИ КЕРЕСТУР – У Марийовим святилїщу Водица вчера, 19. юния, отримани традицийни Школярски дзень и Благодарна Служба Божа з нагоди законченя школского рока.
Службу служел домашнї капелан о. Владимир Медєши, сослужовал о. Доминик Ралбовски, священїк латинского обряду зоз Селенчи, док керестурски парох о. Михайло Малацко споведал и наказовал.
Попри Керестурцох, на Школярски дзень орґанизовано пришли и школяре з Коцура зоз своїма вироучительками, як и ґрупа дзецох зоз Селенчи. Вони по Служби виведли драмску сличку о милосердним Самарянцови.
Пре барз вельки диждж хтори вчера пополадню у Керестуре и хотаре падал єден час, нє могли буц отримани шицки плановани змисти и бависка.