РУСКИ КЕРЕСТУР – У образовних установох у цалей Сербиї нєшка почина нови 2016/17. школски рок.
У Основней и штреднєй школи зоз Домом школярох „Петро Кузмяк” привит школярох, окреме тих цо починаю ходзиц до першей класи, як основней так и штреднєй школи, будзе на 8 годзин. У наступаюцим школским року до тей Школи буду ходзиц 534-ро школяре, од того 302-йо до основней и 232 до штреднєй школи.
Дзецинска заградка „Цицибан” ПУ „Бамби” з Кули найстарших оводарцох привита на 9 годзин. У двох предшколских ґрупох вєдно уписани 43-йо дзеци од 5-7 роки, од чого 26-еро нарок буду першокласнїки.