РУСКИ КЕРЕСТУР – Вирни рускокерестурскей парохиї нєшка преславюю швето св. оца Миколая, по чиїм мену є и наволана. Вечар по Всеночним у Катедралней церкви, св. Миколай наймладшим подзелєл 300 дарунки.
Всеночне богослуженє предводзел преосвящени владика Георгий Джуджар з домашнїма священїками парохом о. Михайлом Малацком и капеланами о. Владимиром Медєшом и о. Михайлом Шантом.
Од 300 дарункох, 100 пакецики од Миколая достали и дзеци з фамелийох у потреби хтори найвецей добродзечнє финансовали парохиянє, а меншу часц и парохия и Церковни одбор.
Владика будзе служиц и нєшкайшу Архиєрейску Службу Божу на 10 годзин, а Служби з нагоди швета св. Миколая буду и на 8 и 17 годзин.
Особом хторим мено по святому Миколайови, нєшка имени дзень.