КОЦУР – На найвекше християнске швето, Вельку ноц, у Коцуре Дзецинска Служба Божа будзе на 8 годзин, а на 10 Вельоноцна служба Божа з швеценьом паскох у церковней порти.
На Перши дзень Велькей ноци на 9,30 годзин у церковней сали будзе отримана Вельконоцна програма, на хторей годно опатриц виставу иконох, школярских роботох, писанкох и вельконоцних икебанох, а буду виложени и фотоґрафиї з прешлосци и терашньосци грекокатолїцкей церкви у Коцуре. На културно-уметнїцкей програми участвуюц и школяре коцурскей Основней школи, як и Хор грекокатолїцкей церкви Успения Пресвятей Богородици.
На пондзелок, на Други дзень Велькей ноци у шицких службох будзе мированє – у Утринї на 7 годзин, Раншей Служби на 8, Велькей на 10 годзин и у Вечаршей Служби Божей на 18,30 годзин.
На Треци дзень швета, на вовторок, божослуженя буду як и пондзелок.