КРУЩИЧ − Традицийна манифестация „Днї валалу − днї жита” у Крущичу котра почала вчера вечар зоз рок концертом ше отримує нєшка 1. и ютре 2. юния.
Централна часц преслави будзе отримана нєшка у Доме култури з початком на 13 г, а предполадньом тот валал нащиви директор Розвойного фонду Войводини Александар Боґданович кед предвидзена розгварка о польопривредних потенциялох як Крущучу, так и цалей кулскей општини. Нєшкайша програма ше закончи зоз музичним концертом Єлени Ґребец и Милана Митровича на котри орґанизовани безплатни перевоз зоз шицких местох општини Кула, а зоз Керестуре на 19,30 г. на порядней автобусней линиї.
На нєдзелю плановане змаганє у лапаню риби, потим у вареню рибового паприґашу, фодбалски турнир и турнир у одбойки, як и вежба членох ДОД Крущич.
Орґанизатор манифестациї Месна заєднїца Крущич, Туристична орґанизация Кула и Општина Кула.