ДЮРДЬОВ – На швето Малей Матки Божей, всоботу 21. септембра, грекокатолїцка церква Рождества Пресвятей Богородици у Дюрдьове преславела храмове швето – Кирбай.
Архиєрейску Службу Божу, з початком на 10 годзин, служел преосвящени владика кир Георгий Джуджар, а сослужели священїки з велїх наших парохийох, и на таки способ возвелїчали тото швето.
Шицких вирних, владика у своєй казанї здогаднул на важносц того швета и виприповедал же нам рождество Пречистей Дїви Мариї приноши вельку радосц, бо пришол длуго очековани час кед вона на тот швет приведзе Спасителя цалого людского роду.