КОЦУР – У населєних местох општини Вербас отримана акция одношеня рошлїнского одпаду, а пияток, 13. децембра, акция запровадзена и у Коцуре.
По сообщеню Явного комуналного подприємства „Комуналєц”, и у тей акциї одношени одпад рошлїнского походзеня и лїсце. До тей катеґориї нє спадал одпад од польопривредних продуктох.
Рошлїнски одрутки могли буц запаковани до було яких мехох, шкатулох, лєбо повязани до снопчкох, же би роботнїки Дїловней єдинки „Чистота” цо лєгчейше и ефикаснєйше могли окончиц свою роботу. Як було наглашене, рошлїнски одпад нє шмел буц розтрешени.
И тота запровадзена акция була нагода же би шицки валалчанє розчисцели свойо обисца од рошлїнских одруткох и назбераного лїсца, и у чистих домох чекали наиходзаци жимски период.
