БИКИЧ – На нєдавей колониї у рамикох проєкту „Вєдно за културу“ у роботнї технїки „пустованє“ волни, општину Шид представяли Невенка Бобаль и Єлена Гнатко зоз Здруженя женох „Бикичанки“ зоз Бикичу.
Як за Рутенпрес виявела Невенка Бобаль, на роботнї ше робело з волну технїка „пустованя“ такволане „мокре“ зоз мидлїну и сухе „пустованє“.
У роботнї участвовали и жени зоз Сримскей Митровици, Индїї, Мачванскей Митровции и жени зоз Сараєва, бо слово о проєкту сотруднїцтва помедзи Сербию и Босну и Герцеґовину.
Нєдавно на колониї штриканя, у рамикох спомнутого проєкту, у Тузли участвовала и Єлена Гнатко зоз Бикичу.
