НОВИ САД – Билборди на хторих представени успишни школяре од нєшка, 21. авґуста буду на новосадских улїцох, гваря у Здруженю за промоцию дружтвеней одвичательносци хторе реализиє проєкт Учим ше+Знам=Вредзим чиї циль промоция найлєпших школярох основних и стреднїх школох на билбордох и през медийну кампаню.
На билбордох и школяре хтори завжали перше место на Републичним змаганю з руского язика. У Здруженю гваря же гоч прешло досц часу же заш лєм тоти фотоґрафиї здогадню на успишни прешли школски рок, алє веря же и у школским року цо за нами тиж було значни резултати.
Проєкт Учим ше+Знам=Вредзим ше реализує од 2015. року, а у Новим Садзе и околних општинох на билбордох до тераз представени школяре хтори посцигли успих на домашнєй и медзинародней сцени у науки и уметносци.
Наиходзацих дньох на билбордох буду представени и школяре хтори у рамикох проєкта Учим ше+Знам=Вредзим промововани у Новим Садзе и пейц локалних самоуправох и у тим року.
На Фейсбук боку Учим ше+Знам=Вредзим подзековали шицким цо участвовали и помогли же би тот проєкт бул реализовани.