РУСКИ КЕРЕСТУР – Традицийна майсторска благодарна Служба Божа служена у Катедралней церкви св. о. Миколая штварток, 12. марца, у тижню Крестопоклоней нєдзелї, у Вельконоцним посце.
Служба традицийна, кажди рок за своїх членох ю дава Здруженє ремеселнїкох и приватних поднїмательох. Службу предводзел и наказовал о. Михайло Шанта а сослужел о. Ярослав Варґа. На служби бул Управни одбор Здруженя на чолє з предсидательом Владимиром Емейдийом, а швичкаре були двоме члени Здруженя.
У казанї о. Шанта визначел же Майсторска служба ма длугоку традиїю у Керестуре, же може буц приклад и другим нашим парохийом. У часци служби кед модлєне Вирую, ремеселнїки у обходу коло олтара зоз швичками, даровали свою церкву, а по Служби священїки служели Панахиду за шицких покойних членох Здруженя.
