Благослов домох и радосц стретнуца

автор М. Горняк Кухар
930 Опатрене

СРИМСКА МИТРОВИЦА ‒ У Сримскей Митровици концом януара и початком фебруара парох о. Иґор Вовк зоз богословом Филипом Суботичом кажди дзень благословел доми.

По словох о. Вовка, єст красне число вирних, а медзи нїма и младих, цо и нагода же би ше зберало дзеци за першу причасц и виронауку, а и пописац старших и особи у потреби за споведз и помоц.

Радує и же нащивени и три нови обисца, хтори нє мали вязу зоз свою церкву, односно їх вира була зведзена лєм на кресценє. Як гварел о. Вовк, людзе цалком отворено и дзечнє приповедали зоз своїм паноцом о темох хтори их интересую.

ПОВЯЗАНИ ТЕКСТИ