БАЧИНЦИ – У Церкви св. апостола и евангелисти Луки парох о. Дарко Рац на Вельки штварток служел Василийову Службу Божу, а на Вельки пияток пополадню на 15 годзин Вечурню зоз покладаньом плащанїїци до Христового гроба.
На Вельку соботу на осем рано о. Рац служел Єрусалимску утриню, а на 20 годзин Вельконоцне саночне.
На Вельку ноц внєдзелю о. Рац служел Службу Божу после хторей у церковней порти було пошвецанє кошаркох з пасками.
Служба Божа була и пондзелок после хторей було и традицийне мированє, а през швето у церкви було вецей вирних як звичайно.
