НОВИ САД – У 29. колу Подручней фодбалскей лиґи Нови Сад, хторе одбавене 31. мая у Новим Садзе, фодбалере ФК „Бачка 1923” победзели у стретнуцу зоз фодбалерами ОФК „Славия” зоз резултатом 2:4.
Ґоли за Бачку посцигли Никола Надьфей у 40. минути, Душан Топчиов у 41. минути, Урош Чеґар у 71. минути и Оґнєн Маркович у 87. минути.
Домашня екипа посцигла ґол у 28. и 30. минути.
Жовти картон у екипи Бачкей достали Душан Топчиов и Деян Станкович.
После тей побиди Бачка на 14. месце на таблїчки, зоз 29 бодами. У шлїдуюцим колу Дюрдьовчанє ше на домашнїм терену стретню зоз екипу ФК „Фрушкогорец” зоз Сримскей Каменїци.