ДЮРДЬОВ – Всоботу, 7. юния до поладня, пред Русадля ушорени грекокатолїцки теметов у Дюрдьове.
На акцию ше одволали петнацецеро парохиянє котри ушорйовали теметов и коло теметова. Покошели траву, орезовали и вицаговали коровче, орезовали сухи и стари стебла и конари на древкох, позаметали дражки и надгобни плочи, позберали шмеце котре винєсли на депонию, и шицко друге цо требало же би теметов бул ушорени.
Тота акция ушорйованя, пред Русадля, єдна з векших котру поряднє запровадзує Церковни одбор дюрдьовскей церкви з домашнїм священїком о. Михаилом Холошняйом.
